من غير كلام بودعك ...

من غير كلام بودعك
من جوه قلبى بقول
سلام
مكتوب علينا نفترق
من غير كلام
مكتوب علينا البكى
من غير دموع
مكتوب علينا الرحيل
من غير رجوع
من يوم ميلادنا جوه الكتاب
مكتوب لنا من غير ميعاد
لازم نفترق
مش مهم
آييه فى الحياة ينعاز
أو ينبكى
أو نندم عليه
بس اللى صعبان عليا
كل ما أفتكر لهفيتك
وأنتى رايحه جاية تنظرى
آييه غيبه
فاكره لما مسكنى العسكرى
ولففونى كعب داير
وأنتى تجرى وتسألى
كل الجيران
فين فلان
ولما قلتى لصاحبى على
طمنه أنا بسأل عليه
ولما ألتقينا
كنا نحلم
بيت صغير
سقف واحد يضلنا
حتى الرغيف
قسمه ما بينا لوحدنا
كل آده حلم الشباب
من غير حساب
قبل ما نروح لبكره
هو حا ييجى حدنا
لحد ما وصلنا الحدود
بصينا حولنا
شفنا الحياة
غير الحياة
ساعتها أنكسر حلمنا
تقولى القدر تقولى النصيب
يمكن ف يوم نلتقى
لقى الغريب
تنظر عينينا لبعضنا
نظرة غرام
السن يضحك والأبتسام
وقلبى م الفرحه أنتفض
ردى السلام
من غير كلام
أرجع أقول
مكتوب علينا البكى
من غير دموع
مكتوب علينا الرحيل
من غير رجوع
غرباء
------------------