سهير الشمري مشرفة منتدى المرأه
المساهمات : 19 تاريخ التسجيل : 07/02/2011 العمر : 34
| موضوع: انته مخبل .. اكو واحد يسوي عشه بالتلاثه الفجر الأربعاء فبراير 09, 2011 9:11 am | |
| هيااااو
شلونكم
ان شاء الله زينين .. مشتاقين اكيد
المهم ندخل بالموضوع
اليوم قبل نص ساعه كتلني الجوع مدري ليش
نزلت ابحوش بلكي الكه الباقي مال العشه شو شنو
اني اصلا اليوم رجعت متأخره لكيت العشه ع الميز بس متعاركه ويه اهلي وماتعشت اجيت للمطبخ اريدلي شي اكله ماكو غير بس التمن وقيمه والهريسه مال الجيران كلشي ماكو جاهز زين وين انطي وجهي بهالليل هيه مال هريسه ..!! كعدت ادور على طاوه جبيره بالتواسيل يله لكيته هاي الحجي الكاونتر صار اشلاء هههههه والتطشر مال الغراض ما اله والي المهم لكيته بالاخير طلعت راسين بتيته كطعتهم سويتهم فنكر حطيت دهن بالطاوه وذبيت البتيته عفتهه تكمل لزمت طماطايايايايات تلاثه هم قطعتهم وجبت بيضتين طركتهم طلعت البتيته مال الطاوه ذبيت الطمامه سويتهه فوكاهه ذبيت البيضتين وبهاي الاثناء خدرت قوري جاي جديد .. مع العلم اني ادري ميحتاج قوري بس كلاصين كافيات ههههه ذبيت الجاي ع النار وره شويه سمعت ابويه نزل للمطبخ يباوعلي بتكـ عين والعين الثانيه بعده ديشوف الحلم بيهه ههههههه باوعني حاطه ماعون البيض والطماطه والفنكر ع الميز ومنتضره الجاي يكمل وكلاصي بأيدي باوع عليه هيجي جان يكولي شدتسوين؟؟ كلتله دا اسوي عشه هم يالله جان يصيح بيه
انتي مخبله .. اكو واحد يسوي عشه بالتلاثه الفجر ..!!
اني سويت روحي ما ادري ببيش الساعه
كتله شبسرعه صارت بتلاثه
قبل ساعتين جانت بال11 ههههههههههههههههههههههه
عافني راح بلع حب قرحه وشرب مي وحط الجكاره بحلكه وصعد ههههههه
اني اريد اكل بعد ما اكدر من الضحكـ
كول الله سهلي وكملت وجبه العشاء بخير وسلام وين انطي وجهي
صعدت لابويه للغرفه كلتله حجي اكو صوت بره بالطرمه
هوه يتسودن ولا يسمع هيجي شي صاير
نزل ركض ههههههههههههههههههههه
اني لزمت الباكيت دكـ خمط
اللي حصلته خمس جكاير بس
رجع كال ماكو شي بالحديقه كلتله اي يجوز بزونه نزلت ع السقيفه
يله اخذ راحتكـ ارجع نام
وهسه اني مستمتع بالجاي والجكاره مال حرام بأيدي
شلونهه الحياه هيجي مو تخبل ..!!
كانت معكم محدثتكم من خلف الطاوه
سهير الشمري ........تحياتي ...!! [/center] | |
|
ابو كرار الساعدي المشرف العام للمنتدى
المساهمات : 1559 تاريخ التسجيل : 10/08/2008 العمر : 53 الموقع : العراق
| موضوع: رد: انته مخبل .. اكو واحد يسوي عشه بالتلاثه الفجر الأربعاء فبراير 09, 2011 1:58 pm | |
| سهير ,,,,,,,,,,,,,ههههههههههه الحياة هيج حلوه واحد ياكل ويشرب بدون ما يتقيد بوقت بس بشرط يراعي الاخرين مو حاط الطاوه نص الليل ودكي يم حسن دكي ...تحياتي والف عافيه على العشه | |
|