هاي ضاهرة جداً متفشية عند العراقيين الي خارج العراق

السلام عليكم ورحمة الله وبركاته
شلونكم شباب / صبايا
يارب الكل ان شاء الله بخير
اليوم خطر ابالي فد سؤال
طبعاً مو اليوم خطر ابالي من زمان
لانه هاي الضاهرة كلش قاهرتني
ليش العراقي ينكر اصله؟؟؟
يعني شفت ناس من هوااااااااي دول لمن يسافرون لغير دولة
مغيرون لهجتهم الا العراقي
بعدة مطالع من العراق مو بس بعدة مطالع من العراق
بعده مطالع من باب بيتهم
وتشوفو كام يحجي بلهجة البلد الي راح يسافر اله
طبعاً دا احجي للي يسافر للدول العربية حصراً
مدا احجي على الي عايشين بدول اجنبية هذولاك مجبورين يحجون بنفس لغة الدولة الي همة بيهه
بس اللغة شي واللهجة شي ثاني
يعني احنه كلنا عرب وكلنا نحجي اللغة العربية مو صح؟
يعني المصريين لمن اجوي للعراق عمري مسمعت مصري يحجي عراقي
ليش ؟ لانه معتز بأصله
ليش العراقي ينكر اصله خصوصاً هنا يعني تشوف العراقي كله يحجي بدي ومابدي
ليش لعد وين عراقيتك طبعاً دا احجي على البنات والولد
والبنات اكثر
لعد بس شعارات عراقي /عراقية وافتخر
لو ارفع راسك انت/انتِ عراقي
اذا انت/انتِ مستحي من عراقيتك العراق هم مديبجي عليك
والي يقهر اكثر اشوفهم لابسين خارطة العراق ويحجون سوري او لبناني
او لأي دولة عربية يروحون يحجون بلهجة الدولة الي همة بيهه
ليش؟؟؟
طبعاً اذا تسألهم ليش راح يكولولك والله مو ميفتهمون علينه
ليش شنو احنه دنحجي سنسكريتي وهمة يحجون عربي
مثل ما احنه دنفتهمهم همة هم يفتهمونه
يعني والله شي جداً مخجل لمن تشوف حتى الرجال الجبير او مرأة جبيرة
وتحجي بغير لهجتهه هذا الشي داقني كلش كاتلني كتل
وحتى الاطفال هم لانه منين يتعلمون اذا يشوفون الاهل القدوة هيج
ليش كل الدول معتزة بأصلهه الاالعراقي ينكر اصله
تشوفه وية السوري يحجي سوري ويه اللبناني يحجي لبناني ليش
وين عراقيتك يعني الناس شلون تعرفك عراقي قابل انت من تمشي
شايل جوازك وتصيح اني عراقي لو لهجتك هي الي ادل على عراقيتك
احياناً فعلاً اكو بعض الكلمات ميفتهمومه ميخالف احجي الكلمة الي ميفتهمومه بلهجتهم فقط الكلمة الي ميفتهموهه
مو انكر عراقيتي
لو اكو عذر بعد اقوى يكلك والله مو تعودت
صارلي 5 سنين او اكثر او اقل
يعني لعد العراق عشنه بي عمر لعد شو متعودت علي
اجيت هنا كم سنه بسرعة تريد تنكر عراقيتك
هذا العراق الي رباك وكبرك
وعشت بي سنين طويـــــــــــــــــــــــــــله
متعودت علي هههههههههههه صدك شي يضحك ويبجي
وارجع واكول للي ينكرون اصلهم
العراق مديبجي عليكم
اذا انتو متفخرون بعراقيتكم هو هم ميريد هيج ناس متفتخر بي
لانه هو هم ميفتخر بيكم
طبعاً هاي ضاهرة جداً متفشية عند العراقيين الي خارج العراق
شنو رأيكم بهيج ناس تنكر اصلهه وعراقيتهه

احترامي وتقديري ...,,,

تسلمين ياوردة .....احنة ليش ميصير براسنة خير لان كلمن يكول ياروحي ومصلحتي