مثلث الرعب لتدمير شباب الوطن

بسم الله الرحمن الرحيم

السلام عليكم و رحمة الله و بركاته



انا حتكلم معاكم النهاردة عن موضوع

مهم جدااااااااااا

و هو

مثلث الرعب

لتدمير شباب الوطن

اللى هما الامل الوحيد فى العودة الى القوة و الكرامة



طب يا ترى ايه هو المثلث ده

على القاعدة حتلاقى حاجتين

اوحش من بعض

البطالة

و الرغبات المكبوتة عند الشباب

طب ايه اللى جاب الاتنين لبعض

حنعرف كمان شوية

طب و ايه يا ترى على راس المثلث

البلوة العظمى

و هى

المخدرات



نبدأ بقى فى الكلام

اى شاب فى الدنيا بيبقى ليه احلام و طموحات نفسه يحققها

و يمكن يكون بيسعى ليها بكل جد و اجتهاد

الا ان يدخل الجامعة

و تبدأ سلسلة الاحباط و اليأس

مفيش شغل

مفيش وظائف

الناس بتتخرج بتقعد على القهاوى

و هكذا

يبدأ طموح الشاب يقل يقل يقل

الا ان يضمحل

و يقضى حياته و كأنها تحصيل حاصل

و فعلا يتخرج

و يكون حاجز مكان على القهوة الفلانية

الكرسى 26 بجوار غلاية الشاى

ده نوع



فى نوع تانى

متحمس مش بيستسلم ابدا

و بيحاول و يعافر و يقول لازم اوصل

و فعلا بيوصل

بس مش دايما

و اللى مش بيوصل من النوع ده

هو قمة الخطر

لانه بيصاب بنوع من الحقد و الغل و يكون عايز يولع فى البلد

باللى فيها طبعا



الخلاصة

ان البطالة مشكلة رهيبة بجد

لان كل شاب بعد كده عنده امل انه

ياخد مرتب محترم و يقدر يفتح بيت و يعف نفسه

بس للأسف البطالة بحر كبير

غرق فيه باختياره او غصب عنه

متفرقش

لان النتيجة واحدة



و بكده الشاب ده مش حيلاقى فلوس

و برضه بدأت ناحية تانية تلح عليه

بحكم سنه طبعا بيكون عايز يتجوز و كده بس منين

مش قدامه حل غير الصبر

بس يصبر ازاى

و حواليه الافلام و الاغانى المنيلة بنيلة

و حتى لو ساب كل ده

كفاية عليه يمشى فى الشارع

و هو يتعب بما فيه الكفاية



و يبدأ الشاب الغلبان يدور على حل

الفاسد حيشوف افلام اباحية

و هى فى نظره مجرد حل مؤقت لغاية ما يقدر يتجوز

و هو مش عارف ضررها الجسيم

المادى و المعنوى

و ممكن شاب تانى يلجأ للعادة السرية

و يجد ليها تبرير او رخصة دينية مغلوطة

عشان مش فاهم صح

و دى برضه ليها اضرارها

و اخيرا

فى اللى بيتنيل على عينه بجد

و بيرمى نفسه فى نار الحرام

و ده مش عايزينه



من الكلام فى النقطتين دول

نستنتج ان

الشاب بيصاب بالاكتئاب و الاحباط

و اللامبالاة

و مش بتفرق معاه اى حاجة

و بيحس ان حياته مش ليها قيمة

و هنا يقع فى الفخ الاكبر

و هى المخدرات

تبدأ بسجارة عادية

و تنتهى بالمحشية



و يبدأ الشاب فى الانهيار اكتر و اكتر

الا ان يصبح بقايا بنى ادم



تفتكروا كام واحد بينجو من الفخ ده

قليل اوى

يعنى شبابنا بيتدمر

و بينتهى معاه املنا فى مستقبل افضل



السؤال بقى

هل من الممكن ان يكون الوضع اللى احنا فيه ده

من انتشار المخدرات و السفاهة

و صعوبة المعيشة

مخطط خارجى مثلا او داخلى

الغرض منه فرض السيطرة على الشعوب



سؤال مش محتاج اجابة

لاننا بنستسلم له بطريق او بأخر